عبدالله محمد الفزاري (بابا فزاري)
مجلة يا شباب
ولد في منطقة ام دوم شرق النيل مطلع الثلاثينيات والتحق بروضة ماريا القبطية ثم درس القرآن في خلوة الشيخ بابكر بالخرطوم على يد الشيخ محمد بابكر و خلوة ام دوم و ام ضواً بان، والتحق بمعهد بخت الرضا بمدينة الدويم في العام ١٩٤٠م ولعب بفريق الاشبال الى جانب زعيم الهلال الراحل عبدالله الطيب.
حصل على دبلوم الموسيقى وعاد في عام ١٩٦١م وعمل استاذاً بمدرسة آمنة عطية ثم التحق بالتلفزيون عام ١٩٦٤م وكان أول برنامج له بعنوان مع أناشيد الاطفال التربوية ثم عمل بجنة الأطفال ولنحو اكثر من اربعة عقود ظل بابا فزاري يجوب المدارس ويجمل وجدان اطفال السودان عبر الشاشة البلورية بأجمل الاناشيد والتي كانت مدخلاً لاكتشاف الكثير من المواهب مثل حنان الصغيرة، وبنات الموردة، وثلاثي الجنة، والمجموعة.
كتب وألف العديد من الاناشيد والأوبريتات واغاني الاطفال مثل بدري صحيت من نومي – ربي ما تحرم بيت من الاطفال ولحن كثير من كلمات الاغاني كنشيد امي يا أجمل كلمة بقولها يا احلي نشيد يا نغمة جميلة.
ويا ربي متين اشوف الخرطوم (القروية)
كلمات اغنية قروية
يا ربي متين نشوف ألخرطوم
قالو لي في الخرطوم جنينة البلديه
وحدثوني وقالو الفسحه بالعصريه
وقالو لي كان شفتي البت تسوق عربيه
يا ربي وتصرف الماهيه
** ** ** ** ** ** **
ألمدنية :-
لا لا لا لا يا قروية
ما تغرك المدنيه
وانتي ما منسيه
والله انتي غنيه
بزراعتك المطريه
وبهايمك المسعيه
** ** ** ** ** ** **
القروية :-
ياربي متين أشوف الخرطوم
قالو لي في الخرطوم البت بمشو حديثها
ودخلوها الجامعه ووظفوها رئيسه
وقالو لي كان دارت تقوم تنقي عريسها
الدبله الدبله تمشي تقيسها
** ** ** ** ** ** **
ألمدنيه:-
لا لا الليله يا قرويه
منو بلاك يتحمل يمسك الطوريه
منو بلاك يعمل يبني ميزانيه
منو بلاك يمووووول وزارة الماليه
** ** ** ** ** ** **
القروية :-
ياربي متين أشوف الخرطوم
قالو لي في الخرطوم البدره والمنكير
ويا حلاة البت يوم تمشي للكوفير
يا ربي متين اشوف ألكوفير
** ** ** ** ** ** **
ألمدنية:-
لا لا الليله يا قروية
انتي يا قروية بالكرم معروفه
وفي هبابيب الليل تقوم تعشي ضيوفها
وانتي يا قروية بالقيم موصوفها
له الرحمة والمغفرة
OSA